Operatori i Shpërndarjes së Energjisë Elektrike (OSHEE) ka njoftuar se 1 milionë e 70 mijë abonentë përfituan nga ulja e çmimit të energjisë elektrike.
Përmes një postimi në faqen zyrtare në rrjetet sociale, OSHEE shkruan se konsumatorët familjarë kanë kursyer 200 Milionë Lekë për faturën e muajit shkurt 2025.
“1 Milionë e 70 Mijë abonentë përfituan nga ulja e çmimit të energjisë elektrike. 200 Milionë Lekë kanë kursyer konsumatorët familjarë për faturën e muajit shkurt 2025”, njofton OSHEE.
Kujtojmë se muaji shkurt shënoi fillimin e aplikimit të çmimit të ri të energjisë elektrike për abonentët familjarë, i ndarë në dy kategori, 8.5 lekë për kilovat për abonentët që konsumojnë deri në 700 kilovatorë dhe 9.5 lekë për të gjithë ata që e kalojnë këtë shifër.
