Lajme të këqija vijnë për familjet që kanë në plan për të blerë një shtëpi në Tiranë ku rritja e çmimeve nuk do të ndalet as në vitin 2025.

Sipas revistës “Monitor”, çmimet e apartamenteve në muajin shkurt të vitit 2025 janë rritur nga 5% deri në 27% krahasuar me të njëjtën periudhë të 2024.

Në një nga zonat më të shtrenjta të kryeqytetit, në ish-Bllok çmimet kanë arritur në 5.000 euro/m², kurse në zonën e Komunës së Parisit çmimet nisin nga 3.000 euro/m².

Tek kompleksi rezidencial pranë Parkut Olimpik dhe Liqenit Artificial, zhvillimi i objektit është në fazë grope, çmimet për prenotim blerje, nisin nga 2.400 deri në 2.700 euro/m².

E vetmja zonë e cila nuk është prekur nga ndryshimi i çmimeve krahasuar me vitin e shkuar, rezulton apartamentet e reja brenda Unazës së Vogël ku çmimi është 2.300 euro/m².

Në Bulevardin e Ri çmimet e rezervimit për apartamente nisin nga 2,700 euro/m². Në zonën e Astirit një vit më parë çmimet për apartamentet varionin nga 1.200 deri në 1.300 euro/m², ndërsa këtë vit nisin nga 1.400 euro/m².

Zhvillimi i infrastrukturës në Unazën e Madhe ndikojë në mënyrë direkte tek rritja e çmimeve të apartamenteve në Paskuqan ku sot kapin vlerën 1.200 euro/m² ku krahasuar me vitin shkuar kemi një rritje prej 14%.