Kanë humbur jetën në një aksident tragjik prindërit e trajnerit të Kombëtares U-21, Alban Bushi. Aksidenti tragjik ka ndodhur në rrugën “Egnatia” në aksin Veria – Selanik në Greqi.
Furgoni i drejtuar nga 47-vjecari grek Marios Simitliotis është përplasur me automjetin tip “Mercedes-Benz” me targa shqiptare “AB 454 GF” që drejtohej nga Ali Bushi.
Si pasojë e përplasjes kanë humbur jetën 75-vjecari Ali Bushi dhe pasagjerja 71-vjecare Bukurije Bushi. I plagosur lehtë ka mbetur edhe shtetasi grek, i cili është arrestuar nga policia.
Të ndierit Ali Bushi dhe Bukurije Bushi janë prindërit e ish-futbollistit të Kombëtares, Alban Bushi. Stafi “RILINDJE.info” shpreh ngushëllime të sinqerta për familjen Bushi.
