Fetullah Gylen, armiku i perbetuar i Presidentit Rexhep Tajip Erdogan, ka ndërruar jetë në moshën 86-vjeçare në SHBA. Gyleni vdiq në një spital në Pensilvani, ku po trajtohej për probleme shëndetësore që kishte pasur për vite me radhë.
Ai ishte akuzuar nga qeveria turke për organizimin e përpjekjes për grusht shteti në vitin 2016 dhe për drejtimin e një shteti paralel brenda Turqisë.
Fethullah Gylen ishte një ish-imam dhe themelues i lëvizjes Hizmet, që promovonte dialogun ndërfetar dhe demokracinë shumëpartiake. Ai kishte jetuar në mërgim të vetë-imponuar në Pensilvani që nga përkeqësimi i marrëdhënieve me Erdoganin në vitin 2013, kur Erdogan e akuzoi për nxitjen e hetimeve të korrupsionit kundër zyrtarëve të qeverisë.
Gylen ishte kreu i një lëvizjeje që kishte shkolla në Turqi dhe vende të tjera dhe promovohej për një Islam të moderuar që përdor teknologjinë moderne dhe mediat sociale për të influencuar.
