Ligji i ri për tatimin në pronë, i miratuar vitin e kaluar do të rritë mbi 200% tatimin për pronat komerciale nga janari i vitit 2025. Kjo po kundërshtohet ashpër nga Asociacioni i Komunave të Kosovës dhe Aleanca Kosovare e Biznesit që sipas tyre janë vlera të papërballueshme dhe në fund pësojnë prapë qytetarët. Deputeti Ferat Shala thotë se ky ligj është e pamundur të kthehet në pikën zero në këtë legjislaturë.

Një rritje e lartë e tatimit në pronë po i pret të gjithë ata që kanë prona komerciale nga janari i vitit 2025.

Me 01.01.2025, sipas ligjit vlera e detyrimit tatimor për pronën në vlerë deri në njëqindmijë mund të variojë prej 0.10% deri 1%, nga 0.20% deri në 1%, për vlerën e pronave mbi njëqind mijë euro.

Për vlerën e pronave mbi 500 mijë aplikohet shkalla tatimore që mund të variojë prej 0.30% deri 1%.

0.40 deri 1% deri në 1 milion, kurse për vlerën e pronave mbi pesë milionë euro aplikohet shkalla tatimore mund të variojë prej 0.50% deri 1%.

Vlerësimin e pronave e ka bërë Ministria e Financave, por shkalla tatimore do të vendoset nga kuvendet komunale.

Edhe nëse shkalla tatimore merret më e ulëta, përsëri do ketë rritje të mëdha të tatimit.

Në një llogaritje të tillë sipas Asociacionit të Komunave të Kosovës, për shembull nëse vlera e pronës është 7 milionë euro, nga 11,900 euro i njëjti do të paguajë 26,100 euro.

Kjo rritje sjell probleme të tjera, për të cilat tregon kryetari i AKK-së.

”Nëse këto fatura, i shkojnë bizneseve të Kosovës atëherë do të jetë një zinxhirë i dëmeve, sepse nëse kemi një pronë komerciale që i ka, një numër të vogël, të mesëm të madh të shitoreve, ata do të jenë të detyruar që t’i ngrisin qerat, në momentin që ngritën qerat, vjen pasoja tjetër ku mund të ngriten gjërat ushqimore, rrobat apo mund të zvoglohet numri i punëtorëve” – ka thënë Sazan Ibrahimi, kryetar i Asociacionit të Komunave të Kosovës.Nga janari 2025, 200% rritje të tatimit për pronat komerciale