Vërshimet e mëdha tronditën Bosnjën dhe Hercegovinën (BiH) në ditët e fundit dhe në mesin e viktimave është edhe një ish-futbollist Jasmin Çiliq, i cili deri para disa kohësh luante për ligën e ulët Klis nga Buturovic Pole.
Sipas informacioneve të mediave vendase, trupi i tij i pajetë është gjetur në përqafim me bashkëshorten, e cila gjithashtu ka humbur jetën.
“FC Clis u dërgon ngushëllimet familjeve, miqve dhe të njohurve të të gjitha viktimave. Në Buturović Polje, në mesin e viktimave dhe të zhdukurve janë tifozët tanë shumëvjeçarë, ndërsa vërshimi në Jabllanicë i dha fund jetës së ish-futbollistit të Klisit, Jasmin Çiliq, thuhet në njoftimin e këtij klubi boshnjak.
Të paktën 20 vetë vdiqën në përmbytjet që goditën BiH këto ditë. Jabllanica, Konjiqi, Kiseljaku, Kresheva dhe Fojnica ishin më të prekurit, ku u shpallën ditë zie, kështu që të gjitha aktivitetet sportive në këtë vend u shtynë fundjavën e kaluar.
