Kleriku nga Elbasani që u shfaq mbrëmjen e djeshme ne televizion teksa negocionte një takim intim dhe marrëdhënie seksuale me një mashkull tjetër, thotë se gjithçka po bëhet për shantazh, si një mënyrë që ai të tërhiqet nga nisma e tij për Kishën Ortodokse Shqiptare.
“Unë At Nikolla Xhufka nuk shantazhohem dhe nuk tërhiqem nga rruga për ngritjen dhe forcimin e Kishës Ortodokse Kombëtare Shqiptare. Këto lloj montazhe e përbaltjesh nuk më bëjnë përshtypje”, thotë ndër të tjera kleriku.
Prifti i vetëshpallur At Nikolla Xhufka është përfshirë në një episod të turpshëm që bënte fjalë për raport intim me dy personave të së njëjtës gjini. Edhe përse nuk ndodhi, prifti pati biseda me personin e infiltruar nga emisioni investigativ “Piranjat”, duke shprehur gatishmërinë për të shkuar më tej në kryerjen e marrëdhënies seksuale. Këto biseda ndodhin gjatë kohës që At Nikolla Xhufka mban veshur veladonin. Prifti ortodoks nga Elbasani, i cili në fakt nuk njihet si i tillë nga kisha Autoqefale shqiptare, ka fituar popullaritet për qëndrimet e tij kundër kryepeshkopit Janullatos, duke e mveshur personalitetin e tij me simbole patriotike, dhe duke u kthyer në një lloj heroi për nacionalistët.@atnikollaxhufka ♬ original sound – At Nikolla Xhufka
