Djali i ish-kryeministrit Sali Berisha, Shkëlzen Berisha ka reaguar për herë të parë pasi SPAK mori zyrtarisht të pandehur të atin lidhur me dosjen “Partizani”.

Një nga tre akuzat e parashtruara në fashikujt e dosjes së SPAK është se Argita Malltezi dhe Jamarbër Malltezi japin donacionet e tyre për fonacionin e Liri Berishës, “Fëmijët Shqiptarë”.

Përmes një postimi, Shkëlzen Berisha me ironi e krahason këtë akuzë të ngritur nga SPAK me skandalin e mjekëve të Onkologjikut, që nxori në pah mungesën e barnave jetike për të sëmurë me kancer.

 “Të vjedhësh ilaçet e të sëmurëve me kancer nuk është krim! Të ndihmosh fëmijët autikë është krim.”, shkruan ai.

Ndërkohë, kujtojmë se gazetari Osman Stafa ka nisur prej ditësh një seri publikimesh të mesazheve privateve që mjekët e Spitalit Onkologjik i dërgonin njëri-tjetrit në një grup të përbashkët, ku përtej turpit dhe mos kryerjes së detyrës, këta mjekë vendosin edhe për jetët e pacientëve me kancer.

“Ky është komunikimi i radhës i mjekëve të Onkologjikut, të cilët flasin për terapi të cilat do të mungojnë 4 muaj. Flasin për ulje dozash për shkak të mungesave. Kjo është e papranueshme, është kriminale ajo çfarë është bërë mbi ata pacientë”, tha gazetari ndër të tjera, teksa më tej vijoi të lexojë mesazhet që mjekët kanë shkëmbyer me njëri-tjetrin.