Mëngjesin e sotëm rreth orës 09:20, një aksident i rëndë është regjistruar në Kukës, në vendin e quajtur “Ura e Topojanit”.
Policia bën me dije se shtetasi A. I., 46-vjeç, duke drejtuar automjetin tip “Mitsubishi”, dyshohet se ka humbur kontrollin dhe si pasojë automjeti ka dalë nga rruga.
Për shkak të dëmtimeve, 46-vjeçari ka humbur jetën.
Nga aksidenti është dëmtuar edhe vajza e mitur e shtetasit A. I., pasagjere në automjet, e cila është jashtë rrezikut për jetën. Grupi hetimor po punon për sqarimin e rrethanave të aksidentit.
