Pavarësisht se është “nën hetim pasurie” nga SPAK, Ilir Meta ka befasuar shqiptarët ku ka deklaruar se ushqimi i tij i preferuar është “gjella e fukarait”.

Pyetjes se cili është ushqimi i preferuar, Ilir Meta tha se i pëlqen fasulja kurse nga kategoria e frutave, preferon fikun dhe shegën.

“Te gatimi i preferuar është çik problem, sepse në këtë jetë që erdhëm nga një sistem me probleme dhe kufizime ushqimore siç ishte komunizmi, unë nuk mund të ankohem se prindërit vinin nga një tjetër shtresë dhe nuk na ka munguar gjë, por e them shpesh me të qeshur se kishim alergji ndaj fasuleve, sepse kudo ku shkonim kishim fasule. Tani ndodh që pas kaq vitesh fasulja përsëri është një gjellë e preferuar, sepse është shumë e shëndetshme. Nëse nuk ka tre herë në javë fasule ose diçka të tillë e kam të vështirë”, tha Ilir Meta.