Pirro Dhima dhe familja e tij janë zhytur në zi pasi ka ndërruar jetë nëna e gruas së tij të parë, Anastasia.
Pirro Dhima, 52 vjeçari nga Himara që jeton në Greqi, ka publikuar në “Facebook” një foto me simbolin e zisë. Ai ruante marrëdhënie të shkëlqyera me vjehrrën e tij, pasi siç ka treguar shumë herë, ajo ishte mbështetja e tij pas vdekjes së gruas së tij të parë, në vitin 2018.
“Kur humbëm gruan time, Anastasia, pas një kohe më kapi vjehrra dhe më tha që duhet ta rregulloj jetën time. Unë personalisht nuk isha gati. Ne kemi një lidhje shumë të mirë, ata janë njerëzit që janë kujdesur për familjen time kur unë isha larg për përgatitjet. Kisha qetësi për sa kohë që isha larg”, deklaronte kohë me parë Pirro Dhima.
