Sezoni i verës ka sjellë edhe çmime më të ulëta të naftës në pompat e benzinatës.
Gjatë gushtit atëherë kur edhe sezoni veror është në pikun e tij, tregtarët më të mëdhenj me shumicë në vend po e tregtojnë naftën në nivelin e 179 lekëve, ndërsa në të njëjtin nivel është edhe benzina.
Çmimet janë gati 25% më të ulëta se mesatarja e 240 lekëve përpara dy vitesh, atëherë kur edhe nisi e ashtuquajtura kriza e energjisë që afektoi në masë tregjet globale.
Këtë vit nafta është ka pësuar dy herë ulje me nga 5 lek/litër. Kjo ulje e fundit vjen si shkak i rënies së çmimit të një fuçie nafte në bursa, për shkak të shqetësimeve për recesion në ekonominë amerikane dhe tronditjes së bursave botërore.
