Sot është hapur sipas kushteve të koncensionarit autostrada e re Thumanë Kashar e cila është me pagesë.
Fillimisht u raportua se tarifa e vendosur për të kaluar në këtë aks do të ishte 2.1 euro, por sot qytetarët janë befasuar pasi kanë paguar 270 lekë të reja për të kaluar në këtë autostradë e cila shkurton distancën.
Natyrshëm lind pyetja, përse pagesa nuk është 2.1 euro? Kjo tarifë e vendosur kur është nënshkruar kontrata do të përllogaritet gjithmonë dhe kompania private mund ta ndryshojë pagesën në varësi të luhatjeve të kursit të këmbimit “Lekë-Euro”.
Gjithashtu mëngjesin e sotëm është raportuar trafik i rënduar në hyrje të autostradës për shkak se punonin vetëm dy sportele për të kryer pagesat. Menjëherë kanë reaguar autoritetet të cilat kanë hequr përkohësisht pagesa në autostradën Thumanë-Kashar për shkak të radhëve kilometrike të krijuara.
