Ditën e sotme janë pezulluar nga detyra të gjithë mjekët e përfshirë në skandalin e Spitalit Onkologjik.

Pas skandalit në spitalin Onkologjik është acaruar marrëdhënia me pacient ku edhe ata mjek të cilat nuk i kanë emrat në dosjen e Prokurorisë, po përballen me agresivitetin e familjarëve të pacientëve.

Sotiraq Senjo, mjek onkolog: “Puna vazhdon normalisht. E vetmja gjë që shohim është që pacientët janë bërë më mosbesues dhe kjo nuk i shërben fare pacientëve. Marrëdhënia mjek-pacient është dëmtuar dhe kjo do të ketë efekte afatgjata. Jo të gjithë pacientët ecin mirë nën trajtim. Ata që do të ecin keq do të jenë mosbesues. Çdo të bëjmë tani, do thërrasim prokurorinë për çdo gjë?!

Pyetje: Ka agresivitet nga pacientët?

Sotiraq Senjo, mjek onkolog: “Mua më kanë marrë familjarë të pacientëve dhe më kanë thënë që nuk kanë ecur mirë pacientët se nuk i është futur uji, apo nuk i kanë rënë flokët. Por jo me të gjitha kimio terapitë të bien flokët. Përfshirja e disa individëve në skemat e korrupsionit, po penalizion të gjithë mjekët që ofrojnë shërbim në Onkologjik, shumë prej nesh kanë shpëtuar jetë njerëzish“