Banorëve të Liqenit të Thatë në Tiranë u ka rënë në sy prej javësh prezenca e ish-Presidentit Ilir Meta në lagjen e tyre. I veshur shpesh me ngjyrat e gjelbërta të Selltikut, Meta shëtit rrugicat e lagjes drejt liqenit teksa bën stërvitje dhe ecjen e gjatë të mëngjesit.
Prej disa javësh, ai është zhvendosur në hotelin e ri luksoz në zonë, “Radisson”, në pronësi të biznesmenit të njohur Julian Morina apo siç e njohin të gjithë, Lul Morina.
Tashmë dihet se Ilir Meta është larguar nga shtëpia dhe jeton i vetëm në hotel, pa Monën e tij, gruan me të cilën arriti majat në të mirë e në të keq.
Pavarësisht zhurmës së madhe dhe ikjen nga njëri-tjetri, çifti nuk ka konfirmuar një divorc zyrtar. Çim Peka njofton se i ftuari i tij mbrëmjen e sotme në orën 20:45 do të jetë pikërisht ish-presidenti dhe kryetari i Partisë së Lirisë dhe do të japë një lajm që do të pushtojë mediat.
Gazeta Tema shkon më tej. Media bën me dije përmes burimeve të saj se mbrëmjen e sotme Ilir Meta do të konfirmojë zyrtarisht në ekran divorcin me Monika Kryemadhin, duke ndarë përgjithmonë rrugët me nënën e tre fëmijëve.