Mirvjen Haxhialiu (Nino) është pronari i hotelit ku u vra recepsionit Eraldo Nevruzi. 31-vjeçari u vra nga dhëndri i Haxhialiut, Gerald Shehu brenda hotelit dy net më parë dhe sot iu gjet trupi i hedhur në Përroin e Gjipesë.
Mirvjen Haxhialiu nuk është një emër i padëgjuar për drejtësinë. Ai u arrestua në shkurt të këtij viti, pas denoncimit të një emisioni investigativ se mashtronte qytetarët për t’i pajisur me dokumente angleze kundrejt pagesave monetare.
Nino akuzohet se mashtroi 2 emigrantë duke u marrë 40 mijë paund për t’i pajisur me dokumente angleze. Ai u premtonte se me anë të martesave me vajza me letra britanike dhe lidhjeve të vajzës dhe gruas së tij në Angli, do të siguronte letrat për qytetarët.
Mirvjen Haxhialiu është vëllai i madh i dy vëllezërve Iglend dhe Sokol Haxhialiu, që u vranë nga Eduart Kurti në dhjetor të 2012-ës pasi kishin i marrë 200 mijë euro borxh për ndërtimin e këtij hoteli, por nuk e kishin shlyer në kohë./K.C/dritare.net
