Xhensila dhe Bes Kallaku vijojnë sulmet në distancë mes njëri-tjetrit. Pak ditë më parë, Besi publikoi këngën e tij të re, një bashkëpunim me këngëtaren Eli Malaj. Teksti i kësaj kënge është shkruar nga vetë ai dhe është komentuar nga Besi si ‘tekst shpirti’ duke nënkuptuar se tregon gjendjen emocionale të tij momentalisht.

Një ditë më pas, Xhensila iu kundërpërgjigj ish-partnerit përmes një postimi të bërë në Instastory, teksa ka postuar një poezi të Rudyard Kipling, të titulluar “Në mundesh”, ku ndër rreshta shkruhej: Në mundsh ta ruash arsyen, kur bota humbet fillin e fajin ty ta hedh dhe vetes t’i besosh.

Ndërkohë në një prej koncerteve të bëra së fundmi, këngëtarja ka vijuar me “thumbat” ndaj Besit.

Teksa ka qenë në skenë duke performuar një nga hitet e saj muzikore, “Mashtruese” në bashkëpunim me Bardhin, ajo është shprehur:

“Ah sa janë shtuar mashtruesit këto kohë sa janë shtuar”, është shprehur këngëtarja.

Fansat janë të bindur që ky ka qenë padiskutim një sulm ndaj Besit, për shkak të publikimit të fundit të këngës, në të cilën e konsideronte Xhensilën një mosmirënjohëse.