Në 5 prill 2024, kryetari i Partisë së Lirisë Ilir Meta iu bashkua protestës së thirrur para Bashkisë së Tiranës, në lidhje me dosjen “5D”, dosje e cila përfaqëson korrupsionin me tendera.

“Erdhi ora t’i përzëmë. Sali Berisha është i lirë sepse është në zemrat e të gjithë atyre njerëzve që kanë dinjitet. Bëjmë thirrje qytetarëve të ngrihen, kur ngrihet populli bie Tirania. Këtë bashki do ia kthejmë qytetarëve të Tiranës shumë shpejt”, tha Meta.

Në vijim Ilir Meta nuk u shfaq më në protestë, por dërgoi bilushin e tij, njëfarë Tedi Blushi.Në 24 prill 2024, daja i Ilir Metës, Vladimir Metani, mori në bashkëpunim një tender nga Bashkia Tiranë, përmes kompanisë së tij Desaret Company.

Bëhet fjalë për projektin e sigurisë rrugore në disa vendkalime për këmbësore dhe numëruesve të biçikletave në Tiranë.

Fitues të kësaj procedure nga Bashkia e Tiranës janë shpallur kompanitë RSM COMPANY dhe DESARET COMPANY.

Pas Desaret Company qëndron Vladimir Metani, daja i Ilir Metës, përfitues i dhjetëra milionë euro parash publike.Vladimir Metani, po nga Bashkia Tiranë, në 4 prill 2024, një ditë para se Meta të protestonte para bashkisë, kanë marrë një tender me vlerë rreth 700 mijë euro.

Pra, vetëm gjatë muajit prill 2024, daja i Ilir Metës ka marrë në bashkëpunim nga Bashkia Tiranë 1 milionë euro para publike. Gjatë viteve të fundit daja i Metës ka marrë mbi 30 milionë euro para publike me tendera të dyshimtë dhe flamur të kuq.

Daja i Ilir Metës, një histori korrupsioni

Daja i Ilir Metës, Vladimir Metani, i cili ka mbledhur vota për LSI në Kamëz, i ka marrë rreth 30 milionë euro para publike përmes kompanisë Desaret Company, me nipt K01816001J, pa llogaritur miliona euro nënkontraktime.

Kompania është themeluar që në vitin 1996 dhe besohet se ka marrë dhjetëra milionë euro para publike ndër vite, me ndikimin e Ilir Metës.Metani herë ka dalë vetë si pronar, herë e ka kaluar kompaninë në emrin e shtetases Sofije Shani. Por, të dhënat tregojnë se kompania është themeluar dhe kontrollohet nga daja i Ilir Metës.

Në një kohë kur merrte para publike, Vladimir Metani rezulton mes financuesve të LSI-së, partisë me kryetar Ilir Metën, monument i korrupsionit dhe pastrimit të parave në Shqipëri. Ligji e ndalon që subjektet që marrin para publike të financojnë partitë politike. Ndaj ka vend për një hetim nga SPAK.

Prapaskena mëson se daja i Ilir Metës, Vladimir Metani, ka privatizuar pasuri publike, ndërsa ka marrë para publike kur Ilir Meta ishte kryeministër dhe në poste të tjera të larta publike.

Daja i Ilir Metës i ka marrë tenderat nga Bashkia Skrapar, Bashkia Rrogozhinë, Berat, Klos, Berat, Tiranë, Prrenjas, Kavajë, Peqin, Lezhë dhe rreth 5 milionë euro nga Rindërtimi.

Tenderat janë finalizuar kryesisht me pazar në tavolinë dhe me oferta fituese gati sa fondi limit.