Policia bën me dije se ngjarja e rëndë ka ndodhur në San Mauro Pascoli. Një 55-vjeçar shqiptar, identiteti i të cilit nuk bëhet me dije ka rënë në prangat e Policisë italiane pasi ishte shpallur në kërkim që me 25 Prill, kur qëlloi gruan me çekiç në kokë dhe sikur të mos mjaftonte e kafshoi dhe në vesh.

Madje duke i shkulur një pjesë të tij. Policia bën me dije se ngjarja e rëndë ka ndodhur në San Mauro Pascoli. Shqiptari është vënë në pranga më 19 Maj, por lajmi u bë me dije këtë të martë në mediat italiane. Ai akuzohet për dhunë në familje dhe tentativë vrasjeje.

Si ndodhi ngjarja

Policia italiane bën me dije se 55-vjeçari shqiptar ditën që do të kryente sulmin brutal ndaj gruas, ka pritur që vajza e tyre të dalë nga banesa. Pas një debati verbal ai ka marrë një çekiç dhe ka nisur ta sulmojë në fytyrë bashkëshorten e tij. Kjo e fundit ka nisur të bërtasë për ndihmë. Në këtë moment, që zhurmat të mos dëgjoheshin, shqiptari ngre zërin e televizorit.

Gruaja ka tentuar të largohet, por në këtë moment burri e ka kapur dhe e ka kafshuar në vesh. Për shkak të kafshimit të fortë, një pjesë e veshit është shkulur.

Gruaja mbeti e plagosur rëndë. Në momentin që flasim ajo ndodhet në gjendje të stabilizuar./ZËRI