Emisioni Shqip nga Dritan Hila në DritareTv i kushtoi një emision figurës së Esat Pashë Toptanit, në të cilin stiuduesi Sokol Kika foli për jetën, veprën dhe vrasjen e tij në 1920-ën në Paris nga Avni Rustemi. Studiuesi Kika flet për mitin që thotë se trupin e Esat Pashë Toptanit e morën serbët dhe e varrosën në varrezat e tyre në Paris.

“Trupi i Esat Pashë Toptanit është varrosur në varrezat serbe në Paris. Nga 13 qershori 1920 deri në mesin e viteve 1922 trupi i Esat Pashë Toptani qëndroi në morg dy vjet, duke qenë në pritje për t’u kthyer për t’u varrosur në Shqipëri.

Mbas refuzimit nga politika shqiptare u bë varrosja në varrezat civile në Paris. Në 1934-ën me rastin e 15-vjetorit të mbylljes së Luftës së Parë Botërore, zhvarroset nga varrezat civile dhe varroset në varrezat e aleatëve të Luftës së Parë Botërore, në një memorial, që ishte ndërtuar, ku ishin varrosur një pjesë e mirë ushtarësh serbë, sepse Serbia kishte humbjet më të mëdha ushtarake, por kishte dhe nga kombësisë e tjera. Gjithë miti që e kanë marrë serbët e kanë varrosur atje është i rremë, është thjeshte politikë.”, tha studiuesi në DritareTV./K.C/dritare.net