Sot janë bërë 11 vjet nga nënshkrimi i marrëveshjes së parë mes Kosovës dhe Serbisë, në Bruksel. Hashim Thaçi, atëherë kryeministër i Kosovës, dhe Ivica Daçiq i Serbisë, hodhën firmën në marrëveshjen 15 pikëshe, me qëllim të normalizimit të marrëdhënieve mes të dy vendeve, shkruan Periskopi.

E lidhur me këtë kryeministri i tanishëm, Albin Kurti, ka shkruar një postim në Facebook, në të cilin thotë se në vitin 2011 është nënshkruar një marrëveshje e cila e ka shkelur Kushtetutën e Republikës së Kosovës, duke komentuar kështu procesin nëpër të cilin ka kaluar zbatimi i neneve për “Asociacionin” deri në qeverisjen e Isa Mustafës.

“…Para 11 vjetëve u arrit një marrëveshje e cila, në njërën anë, shkelte Kushtetutën e Kosovës e, në anën tjetër, u shkel nga Serbia…”, ka shkruar ai.

Kurti u shpreh se në vitin e kaluar ka arritur një marrëveshje bazike që siguron njohjen reciproke, por thotë se Serbia po insiston në dy marrëveshjevet e vjetra.

“…Serbia, në vend që të pranojë të nënshkruajë Marrëveshjen Bazike të vitit të kaluar të arritur në Bruksel ku e ka nenin 7, po insiston e kërkon ato dy marrëveshjet e viteve 2013 e 2015 që përbëjnë shkelje të dyfishtë..”, ka shkruar Kurti./Periskopi