Ish-presidenti Alfred Moisiu ka analizuar aktivizimin në politikë të pasardhësit të tij, Ilir Metës.
Sipas Moisiut, Ilir Meta ka bërë gabime, ndërsa ngriti dyshime për pasurinë e tij, për të cilën tha se ‘nuk e bën dot me rrogë’ .
“Sa i takon pasardhësit tuaj në detyrë Ilir Metës që për një kohë të gjatë ka qenë figurë dominante në politikë, tani ka probleme me ligjin. Ilir Metën e njoh herët, është djalë punëtor, por ka bërë gabime. Ka një pasuri që nuk e di domethënë, edhe unë isha president, unë jam me një shtëpi 52 vjet që në 1972’. Pse nuk doja unë pallate?! Me rrogë nuk bëhet more djalë. Unë nuk i blija dot. Unë jam i edukuar, duhet t’i japësh vendit tënd, jo t’i marrësh. Kështu jam përpjekur t’i edukoj edhe fëmijët e mi”, tha Moisiu.
