Konfirmohet nga qeveria Rama plani për rritjen e pensioneve. Ministri i Financave, Ervin Mete ka thënë se do të financohet në vijim indeksimi (rritja) e pensioneve, ku do të përfitojnë 717 mijë te moshuar.

Madje ministri ka paralajmëruar se po rishikohet skema e pensioneve me Bankën Botërore për një tjetër qasje reformuese, me qëllim rritjen e mëtejshme për këto kategori.

“Përmirësim të ndjeshëm ka shënuar skema e pensioneve. Të ardhurat kontributive arritën 134 miliardë lekë në vitin 2023, ose sa dyfishi i nivelit nga fillimi i reformës së vitit 2015. Do financohet gjithashtu indeksimi i mëtejshëm i pensioneve, si dhe shpërndarja e bonusit të fundvitit për pensionistët, ku përfitojnë 717 mijë pensionistë. Për indeksimin e pensioneve gjatë dy viteve të fundit, buxheti ka alokuar afro 30 miliardë lekë, shifër kjo e konsiderueshme”, tha ministri.

Por sa do t’u rriten pagesat mujore pensionistëve? Një pensionist në Shqipëri qe paguhet nga 80 mijë-200 mije lekë të vjetra në muaj. Pas indeksimit (rritjes) vlerës aktuale të pensionit do t’i shtohet rreth 5 mijë deri në 10 mijë lekë të vjetra në muaj.