Ka ndërruar jetë në moshën 55-vjeçare, gazetari i njohur i kronikës së zezë Zamir Dule.
Dule ndërroi jetë në një spital privat në Tiranë, ku së fundmi i ishte nënshtruar një ndërhyrjeje kirurgjikale. Prej kohësh ai vuante nga sëmundja në zemër dhe familjarët e tij shpesh kishin bërë thirrje për ndihmë. Varrimi i tij do të bëhet sot në fshatin Miras të Korçës në orën 13:00.
Zamir Dule ka qenë korrespondent i gazetës ‘Koha Jonë’ në vitet 1993-1997. Fillimisht ai punoi si korrspondent i gazetës për zonën e Korçës, e më pas u transferua në Tiranë. Zamir Dule u bë i njohur në vitin 1996, kur shkroi edhe librin “Përbindëshi i Tropojës”. Në vitin 1997 ai u dhunua në ambientet e redaksisë së gazetës “Koha Jonë” nga policia, kur kjo e fundit dhe u dogj.
