Ministria e Jashtme ka dhënë lajmin se do të mundësohet realizimi i projektit “Ishujt 2024” për të pajisur me dokumente biometrike emigrantet Shqiptarë të cilët jetojnë e punojnë në zonat përreth ishujve të Egjeut dhe Mesdheut (Kretë dhe Rodos).
Raportohet se ekipi i posaçëm për realizimin e aplikimeve për rinovimin e dokumenteve biometrike do të jetë në Kretë në datat 22-24 prill, ndërsa në Rodos në 25-27 prill. Aplikimet do të kryhen falas në e-albania dhe kostoja e pasaportës/kartës ID është 130/12 euro.
Pagesa për rinovimin e pasaportave biometrike dhe kartave ID, si dhe shërbimeve të tjera do të mund të kryhet me çdo lloj kartë bankare përmes POS terminaleve, të cilat do të instalohen në ambientet e zyrës së përcaktuar. Afati përfundimtar për aplikim është data 19 prill.