Një atentat ka ndodhur mbrëmjen e djeshme në fshatin Qesarat, Memaliaj, ku është qëlluar drejt avokatit Andrea Zotaj, pjesë e Dhomës së Avokatisë në Gjirokastër.
Fatmirësisht avokati ndodhet në gjendje të mirë shëndetësore dhe i ka shpëtuar mrekullisht atentatit. Mësohet se ngjarja ka ndodhur në rrugën e vjetër te fshatit Qesarat në Memaliaj, teksa avokat Zotaj i shoqëruar nga nipi i tij, ishin duke shkuar në zonë me autoveturën e tyre. Bëhet me dije se autori është Fatos Lamaj, 36 vjeç i cili u kishte zënë pritë, duke qëlluar me plumba drejt automjetit të avokatit.
Dyshohet se ngjarja ka ndodhur për shkak të detyrës./M.K-dritare.net