Shqipëria po pret një numër të lartë turistësh pas çdo muaji. Në shkurt, vendin e vizituan 981 mijë njerëz, shifër që tregon për rritje 40%.

Muaji shkurt rezulton i mbarë për fluksin turistik. Të dhënat tregojnë se 981 mijë vizitorë shqiptarë dhe të huaj, hynë në Shqipëri me rritje 40%, krahasuar me shkurtin 2023.

Sipas INSTAT në Shkurt 2024 rajoni me numrin më të lartë të hyrjeve të shtetasve të huaj në Shqipëri është rajoni i Evropës me 460 mijë shtetas, pasuar nga Amerika dhe Azia Lindore dhe Paqësori, përkatësisht me 8000 dhe 3000 shtetas.

Lidhur me arsyet gjatë shkurt 2024 kanë shënuar rritje hyrjet e shtetasve të huaj për qëllime personale me 55%; për qëllime pushimi me 57% dhe për biznes me 54%.

Sektori i turizmit pritet që të arrijë një tjetër rekord këtë vit që sipas turoperatorëve është e lidhur së pari me një jehonë që vendi e trashëgoi nga viti i shkuar, promovimi intensiv në mediat ndërkombëtare që po vijon edhe këtë vit, rritjes së pjesëmarrjes së tregjeve të organizuara si dhe faktit që jemi ende një destinacion ekonomik.