Një efektiv i Forcave Speciale amerikane, rezident edhe në Prishtinë, të cilit Naim Murseli i kishte kërkuar para pak ditë para vrasjes së Liridonës, ka treguar historinë e tij të njohjes me Naim Murselin.
Efektivi Donnie Lowery rrëfen se si Murseli pak ditë para vrasjes së Liridona Ademajt i ka kërkuar një shumë të madhe parash, e cila është e përafërt me shumën që Murseli dyshohet se pagoi Granit Plavën për vrasjen e së shoqes.
“E njoh Naim Murselin nga miqësia me presidentin Behxhet Pacolli. Pacollin e njoh prej shumë vitesh, që prej kohës kur tentuam të bashkëpunonim, për të sjellë në Kosovë brendin e McDonald’s, por përpjekja rezultoi e pasuksseshme. Dy vjet më parë Zoti Pacolli dhe Naimi erdhën në Majemi, të ftuar në dasmën e vajzës së Presidentit Trump, Tiffany Trump. U takova me Namin një ditë më pas dhe ky ishte takimi ynë i parë”, tha ai.