Dy vëllezër nga fshati Çukas të Fier-Sheganit me mbiemër Musai janë zënë me njëri-tjetrin, ku kanë përfunduar edhe në përdorimin e armës së zjarrit.

Sipas burimeve, njëri nga vëllezërit Hazis Musaj 54 vjeç mbeti i plagosur në kokë dhe ndodhet në gjendje të rëndë në spital, ku po i nënshtrohet një operacioni.

Ndërkaq mësohet se autori plagosjes është Nazif Musai,77 vjeç. Motivi i sherrit mes dy vëllezërve mësohet se janë bërë pronat, ndërkohë që policia ndodhet në vendngjarje.

Lushnjë/Informacion paraprak

Rreth orës 08:00, në fshatin Qukas i Vjetër, dyshohet se për shkak të konflikteve për motive pronësie, shtetasi H. M. ka goditur me mjet prerës (sopatë), vëllanë e tij, shtetasin N. M., rreth 77 vjeç, ndërsa ky i fundit ka plagosur shtetasin H. M., me armë zjarri pistoletë.

Të dy të dëmtuarit janë transportuar në spital, ku janë në kujdesin e mjekëve. Aktualisht, shtetasi H. M. është në gjendje të rëndë shëndetësore.

Shërbimet e Policisë kanë shkuar menjëherë në vendin e ngjarjes, ku kanë sekuestruar në cilësinë e provës materiale, armën e zjarrit pistoletë dhe mjetin prerës (sopatë), të përdorura gjatë konfliktit.

Grupi hetimor po punon për të dokumentuar me prova ligjore rrethanat e rastit.