Një mbështetje e fortë i ka ardhur profesorit dhe analistit, Nexhmedin Spahiu, nga deputeti i Vetëvendosjes, Jahja Kokaj, përcjell Periskopi.

Kokaj i VV-së, i ka dedikuar një shkrim të gjatë proferor Nexhit, duke e ngritur lartë personalitetin e këtij të fundit.

Më poshtë keni shkrimin e plotë të Kokajt, të cilën e shpërndau edhe Spahiu dhe e falenderoi për konsideratën.

Disa fjalë për personalitetin shkencor dhe politik të Prof. Dr. Nexhmedin Spahiut
Çdo mësues është i lumtur të japë komente për studentët e tij të shkëlqyer.
Prof. Dr. Nexhmedin Spahiu ishte student i matematikës kur unë jepja mësim në departamentin e tij. Gjeneratave edhe para tij ku ishin edhe Dr.Marjan Demaj dhe Dr.Ramadan Zejnullahu iu pata dhene mësim. Kështu që unë pata rastin ta njoh Nexhmedinin si student ekselent në vitet ’80.
Shumë vite më vonë në vitet ’90, kur isha profesor në Pittsburgh, SHBA, erdha në Tiranë për të mbajtur leksione, të organizuara nga Prof. Rexhep Meidani, me vone president i Shqiperise. Ky i fundit më tha se një talent nga Kosova që kishte studiuar për studime pasuniversitare në Zagreb, e kishte zgjedhur si Docent, në Departamentin e Matematikës, pranë Fakultetit të Shkencave të Natyrës në Tiranë. Ishte një surprizë e këndshme kur u takova me Docent Nexhmedinin dhe biseduam si miq të vjetër.
Miku im Rexhepi dhe prof.dr. Dritan Spahiu më thanë se Nexhmedini, përveçse një matematikan i shkëlqyer para studentëve të Tiranës, shkruan artikuj politik për gazetat më eminente të asaj kohe në Tiranë. Për këtë pata rastin të takoj Sabri Godon, një figurë e njohur politike patriotike në Tiranë dhe kryetar i Partisë Republikane . Më tha se shkrimet politike të Docent Nexhmedinit janë në krye të shkrimeve më të mencura të demikracisë së atëhershme në Shqipëri.
Shkenca politike dhe praktika ka treguar se shumë politikanë dhe diplomatë të famshëm kanë bazat e tyre arsimore në shkencat e ekzakte matematikore-natyrore. Benjamin Fraklin (diplomati më i famshëm i të gjitha kohërave, i cili përfaqësoi SHBA-në në Francë ishte edhe zbuluesi i refepritesit, d.m.th. një fizikan, J. Carter, nobelist dhe presidenti i SHBA-së ishte një fizikan bërthamor, Merkel, Sollana, por edhe Rexhep Mejdani ishin fizikantë, të fizikës matematiko-teorike.
Ky fenomen në dukje paradoksale ka një bazë shkencore: pjesa kognitive e trurit të njeriut, me mësime në algjebër, ekuacione diferenciale, hapësira abstrakte, pra me mësime matematikore shkencore, zhvillon kapacitete të jashtzakoneshme të trurit për analiza politike. Kuptohet që kapaciteteve në fjalë duhet t’i shtohen njohuritë dhe teoritë politike, socio-ekonomike.
Prof.dr.Nexhmedin Spahiu, krahas doktoraturës (Doktor i Filozofisë) në matematikë, ka edhe kualifikime shtesë diplome në studimet pasuniversitare në fushën e politikës, ku ka perfeksionuar metodologjitë e fushës në fjalë. Ai dha mësim si profesor në Universitetin e Hamburgut në Gjermani, ne lemine e shkencave politike. Ka botuar dhjetëra libra dhe qindra artikuj në fushën e shkencave politike. Jam dakord me mendimin e prolitikanit S. Godo se profesor Spahiu është një njeri me aftësitë më të larta shkencore politike në territoret shqiptare. Dekada të jetës së tij ia ka kushtuar ekskluzivisht studimeve dhe aktiviteteve politike. Është kënaqësi dhe privilegj që Prof.Dr.Nrxhmedin Spahiu dikur ka qenë student, por tani miku dhe kolegu im.
Prof. Dr. Jahja Kokaj