Meteorologu Akil Osmani ka bërë parashikimin e motit për pjesën e mbetur të ditës së sotme, por edhe për ditët në vijim.
Meteorologu ka deklaruar se gjatë pjesës së dytë të ditës së sotme dhe mëngjesin e ditës së nesërme, pritet të kemi reshje shiu në formën e rebesheve. Ai tha gjithashtu se në zonat malore veriore e verilindore, të martën mund të ketë edhe reshje dëbore.
“Sot temperaturat do të jenë të larta, sot deri në 20 gradë. Të martën pritet të kemi rënie të temperaturave me rreth 3 gradë celcius. Sot gjatë orëve të mbrëmjes të kemi reshje shiu në gjithë Shqipërinë, që pritet të shoqërohet edhe me rebeshe. Jo vetëm sot, edhe mëngjesi i ditës së martë pritet të jetë nën dominimin e reshjeve. E mërkura dhe e enjtja sërish do i kemi të pranishme vranësirat. Nga e marta deri të enjten pritet të kemi shfaqjen e flokëve të dëborës, pasi temperaturat pritet të bien. Zona është kryesisht verilindja”, tha Osmani.