Një vit pas tragjedisë hekurudhore me 57 viktima në Greqi, nëna e 20-vjeçares shqiptare mes, lotësh thotë se vajza e saj Klaudia ditën e tragjedisë “bleu biletën e vdekjes”.

Nëna e Kaludias, Alma Lata kërkon drejtësi për vdekjen e padrejtë të vajzës së saj dhe 56 studentëve të tjerë që vdiqën tragjikisht një vit më parë kur dy trenat u përplasën në Tempi të Greqisë.

Ajo thotë se tre ditë pas tragjedisë, trupin e Klaudias ia sollën me qese të zeza, pasi i kishte mbetur vetëm hiri. “Sot është dita më e vështirë e jetës sime, zija është e madhe, na mungon shumë.

Kisha një shpresë si një nënë për ta gjetur të gjallë, por tre ditë më vonë ma sollën me një thes të zi… Na e dogjën fëmijën dhe na e dhanë në një kuti hiri”, tha Lata.

Klaudia Lata është një nga 57 të viktimat që humbën jetën në aksidentin hekurudhor. Ajo ishte studente e shkëlqyer, në fakultetin e Mjekësisë të Shkollës Ushtarake të Trupave të Oficerëve.

Pas tragjedisë së përplasjes së trenave që shkaktoi vdekjen e 57 personave në Greqi, komisioni i posaçëm hetimor nisi punën me analizën e shkaqeve që sollën tragjedinë në Tempi Shefi i stacionit hekurudhor të Larisës Vassilis Samaras, është lënë në burg deri në përfundim të hetimeve.

Megjithatë familjarët e viktimave insitojnë se autoritete po tentojnë të hedhin hije mbi hetimet, duke mbrojtur shkaktarët kryesorë të tragjedisë.