Më 20 janar të vitit 2022 u shua Elvis Mekaj. I riu nga Peja ishte therë me thikë nga i dyshuari Kushtrim Selimaj, për të cilin Gjykata Themelore e Pejës caktoi dhjetë vite burg.
Familja e Mekajt, të pakënaqur me këtë vendim, kanë apeluar në Gjykatë të Apelit. Sot u mbajt seanca fillestare e këtij rasti, raporton Indeksonline. Nëna e Elvisit, Sevdije Mekaj, tha se kujtimet e mira të të birit e mbajnë gjallë, teksa e përshkruan djalin si të urtë dhe fare problematik.Ajo thotë se është shumë e vështirë kjo situatë për nusen dhe djalin e Elvisit.
“Si nanë jam betu se nuk ndalem. Drejtësia ishalla e jep vendimin siç e meriton një kriminel… Ai nuk ka pasë nevojë sot me më kërku falje kur në Gjykatë të Pejës ia ka sha nanën nuses. As s’ka pasë fytyrë. Ka qehsë me neve pa kurrfarë keqardhje. Ishalla drejtësia i jep një dënim sa më meritor” ka thënë mes të tjerash ajo. Ky është rrëfimi i saj:
