Infermier në Gjilan por edhe transportues tritoli në Shqipëri. Përshkrim i çuditshëm, por kështu është historia e Lion Pirës, nga qyteti i Gjilanit.
Lion Pira u kap së bashku me Shkëlqim Halabakun e Rigon Maliqin në Shqipëri, duke transportuar tritol, nga Kosova për atje, shkruan Nacionale.
Nga Spitali shprehen se Lion Pira ishte djalë i zellshëm, punëtor e që madje dilte në punë edhe vullnetarisht, kur kishte nevojë. Në fotografi ai shihet edhe në trajnime me misionin paqëruajtës në Kosovë, KFOR.
Ndërkohë Drejtori i Policisë së Tiranës, ka thënë për Nacionalen se janë në fazë fillestare të hetimit, ku po bashkëpunojnë ngushtë me Policinë e Kosovës për të parë zbuluar se si infermieri e dy shokët të tij, të përfshihen ose themelojnë këtë “bandë” kriminale, që dyshohet se transporton armë në Shqipëri.
