Ministri i Drejtësisë, Ulsi Manja ndau certifikatat për studentët e praktikës 2-mujore pranë Klinikave të Ligjit të Drejtorisë së Ndihmës Juridike Falas.
Manja deklaron se qëllimi është rritja e cilësisë së ofrimit të shërbimeve ligjore falas. Mes studentëve është edhe këngëtarja e njohur e skenës, Çiljeta Xhilaga.
”Arti dhe Dija kane ecur paralelisht në jetën time. Edhe pse fakultetin e kam kryer shume vite me parë për shkenca politike, kete vite sapo mbylla nje master ne Kriminologji sociale nje dege që më ka terhequr gjithmone. Nga sot, e certifikuar dhe e angazhuar pranë Klinikave të Ligjit, pas përfundimit të praktikës 2-mujore të zhvilluar pranë Drejtorisë së Ndihmës Juridike Falas dhe Qendrave të Shërbimit të Ndihmës Juridike Parësore. Zgjedhja për të dhënë kontributin tim në ofrimin e shërbimit të Ndihmës Ligjore Falas, nuk është vetëm një detyrë qytetare, por dhe një detyrim moral, për të ofruar më të mirën atyre që s’kanë mundësi!”,-shkruan Çiljeta.
