Në një intervistë televizive, Zeka deklaroi se veprimet e babait të Murselit janë të dyshimta.

“Që në fillim, kam thënë se e gjithë enigma është në të atin e tij. Si erdhi nga Suedia dhe dha intervista pa fund, ndërsa nusja e të birit kishte vdekur. Ishte kaq e diskutueshme, ajo që tha në fjalinë e parë, nuk tha në fjalinë e dytë. Mendoj se çelësi i misterit të kësaj vrasjeje qëndron te babai i Naimit, i cili doli të jetë shkas. Doli se ai tregoi disa mesazhe nga Liridona për Naimin”.

Nga kontaktet me hetuesit, mund të them se ata dinë gjithçka, theksoi analisti. Sipas tij, Naimi ishte në borxhe dhe motra e 30-vjeçares dinte shumë sekrete për çiftin.

“Motra e Liridonës di disa sekrete. E di që Naimi ka marrë para me uzurpim dhe është zhytur në uzurpim. E di që ai ka bërë një biznes prej 400 mijë eurosh me një biznesmen në Suedi dhe një ushtar amerikan e ka takuar në hotelin e Pacollit, i ka thënë të më japë sot 1 mijë euro dhe të kthejë 12 mijë. Ai jetonte në botën e luksit me borxhe, si ato fotot me Rita Orën. Ka shumë VIP-a si ky në Shqipëri dhe Kosovë. Është bërë turp të jesh VIP.

Mendoj se edhe Policia e Kosovës ka një problem të vogël, kam lexuar se është përfshirë edhe Amerika dhe policia suedeze. Kjo e fundit e bën më të lehtë nxjerrjen e bisedave jashtë.”

Deklarata e vrasësit se Naim Murseli ishte në makinë gjatë vrasjes është e qartë, shtoi Zeka.

“Fakti që deklarata e vrasësit thotë se kur vrava Liridonën, Naimi ishte brenda makinës është i rëndësishëm. Ai tha se nuk i ka parë fëmijët. Është logjike që një vrasës kur hyn për të vrarë dikë nuk sheh nëse ka fëmijë apo valixhe në sediljen e pasme. Deklarata e vrasësit është e qartë.”