Një zarf i zi është lexuar brenda shtëpisë së “Big Brother VIP3” si ndëshkim për banorët nga Vëllai i Madh. Zarfi i zi u fut në shtëpi pasi banorët thyen rregullat e lojës së rezistencës.
“Banorë në komunikimin që vëllai i madh ju dha për lojën e rezistencës, thuhej se ju do të lidheshit vetë dhe vetëm Erjola do t’ju ndihmonte për nevojat tuaja personale, pasi duart duhet të ishin të bllokuara. Disa prej jush kanë thyer rregullat, duke nisur fillimisht nga Juli dhe pasuar nga banorët e tjerë që vijuan të pinë cigare. Vëllai i madh komunikon se do të shkoni të gjithë në një televotim ditën e shtunë dhe njëri prej jush do të largohet nga shtëpia brenda së njëjtës natë. Loja e rezistencës vazhdon. Vëllai i Madh ju rikujton të ndiqni rregullat”, thuhej në zarfin e zi.
