Ditën e sotme është arrestuar kreu i Dhomë së Avokatisë së Korçës, Arben Lena. Arrestimi i tij ka ardhur si pasojë e një urdhri të lëshuar nga SPAK për korrupsion me vlerë 5 mijë euro.
Mësohet se arrestimi i avokatit ka ardhur për shkak të një çështje të mbrojtur prej tij, ku në përgjimet telefonike të SPAK, rezulton se Lena i ka kërkuar ish-asistentes së tij që të mbante në zyrë një zarf me 5 mijë euro, raporton BalkanWeb.
Në hetim, përveç kreut të Dhomës së Avokatisë së Korçës janë edhe disa funksionarë të tjerë publikë.
