Kryeministri i Spanjës, Pedro Sanches ka zbardhur takimin me homologun shqiptar, Edi Rama.
Sanches shkruan se Qeveria e Spanjës njeh progresin e bërë nga ana e Shqipërisë në rrugën e saj drejt Bashkimit Europian, duke e vendosur atë në ballë të procesit të hapur të integrimit.
“Sot pasdite u takova me Kryeministrin e Shqipërisë, Edi Rama. Qeveria e Spanjës njeh progresin e bërë nga Shqipëria në rrugën e saj drejt BE-së, duke e vendosur atë në ballë të procesit të hapur të integrimit në Ballkanin Perëndimor”, shkruan Sançez duke i ndezur “dritën jeshile” Shqipërisë drejt Bashkimit Europian.
Kujtojmë se kryeministri Edi Rama ndodhet në një vizitë pune në Spanjë me rastin e pjesëmarrjes së Shqipërisë në panairin gjigand të turizmit.
