Në këtë situatë, ekipet dhe mjetet borëpastruese janë në gatishmëri e në qarkullim për shpërndarjen e kripës dhe pastrimin e borës, ku në orët në vijim priten ulje të mëtejshme të temperaturave e rënie në vazhdimësi të reshjeve deri me intensitet mesatar.
Oltion Zhamo, përgjegjës sektori në Drejtorinë e Rajonit Qendër Lindje këshillon drejtuesit e mjeteve të tregojnë kujdes duke respektuar rregullat e qarkullimit rrugor.
Sa i takon energjisë elektrike, furnizimi vijon normalisht. Ndërprerje ka pasur vetëm në orët e para të mëngjesit në fshatin Vloçisht por energjia është rikthyer brenda një kohe të shkurtër. Ndërkohë strukturat e emergjencave civile në çdo bashki si dhe kontraktorët do të jenë në gatishmëri në të gjitha segmentet rrugore, për të pasur situatën nën kontroll të plotë dhe qarkullimi të kryhet pa probleme.
