Detaje tronditëse janë zbuluar për rastin e rëndë të abuzimit në Greqi, pas arrestimit të 56-vjeçarit shqiptar Kozma Papa.

Ky i fundit, me origjinë nga fshati Dhrovjan i Sarandë, akuzohet për përdhunimin e vajzës së mitur të partneres së tij. Sipas policisë greke, 56-vjeçari prej të paktën shtatë vitesh kryente akte seksuale me të miturën, duke përfituar nga afrimiteti që kishte me nënën e saj.

Në të njëjtën kohë, vajza e mitur u ka thënë oficerëve të policisë greke se partneri i nënës së saj e ka abuzuar nga mosha 8-vjeçare.

Hera e fundit që vajza u përdhunua ishte më 13 janar. E mitura nuk duroi dot dhe i tregoi mamasë makthin që po përjetonte nga duart e 56-vjeçarit. Më 15 janar, nënë e bijë shkuan në Departamentin e të Miturve, ku vajza foli për atë që ajo kishte kaluar në shtatë vitet e fundit.

Në fakt, e mitura u ka thënë hetuesve se 56-vjeçari i dërgonte mesazhe vulgare në celular, si dhe foto nudo të tij. Ai gjithashtu i kërkoi asaj që t’i dërgonte foto nudo. Pas denoncimit, shqiptari u vu në pranga.

Gjatë kontrollit në shtëpinë e tij u gjetën prova dixhitale të cilat u dërguan në laboratorët e policisë për analiza, si dhe një pistoletë.