Moderatori Drini Zegjo përmes një fjalimi tepër emocionues ka rrëfyer arsyet e largimit nga Big Brother VIP, pak ditë pasi ishte bërë pjesë e formatit.

“Të tjera plane bën, të tjera plane ndodhin dhe të tjera plane ka bërë Zoti për ty”, tha Drini ndërsa vuri në dukje se u largua për shkak të një problemi familjar.

Mirëpo, krahas largimit, Drini ka rrëfyer edhe arsyen pse mori pjesë në Big Brother VIP: ishte për të gjetur lumturinë.

“Të tjera plane bën, të tjera plane ndodhin dhe të tjera plane ka bërë Zoti për ty referuar situatës në studio. Kur lindim, fëmijët janë të gjithë të lumtur. Me kalimin e viteve dikush e humbet lumturinë, dikush e fsheh në një sirtar, dikush e fsheh diku tjetër, dikujt ja marrin, e rëndësishme është që të mos humbasim asnjëherë lumturinë tonë, ta kërkojmë në të gjithë sirtarët, ta kthejmë botën përmbys, ta kthejmë lumturinë përmbys dhe unë këtë doja të bëja. Doja që përmes Big Brother të gjeja lumturinë time, por edhe të njerëzve që ishin jashtë”- tha Drini, ndërsa është përlotur teksa ka parë klipin e banorëve që tregonin vlerësimin për të dhe fjalët motivuese pas largimit të tij nga formati.

Moderatori tha se motra e tij vuan nga një problem i shëndetit mendor dhe kishte pasur nevojë për të.

“Në fakt gara për mua filloi qëkur regjistrova klipin e parë prezantues. Kur njeriu nis një sfidë të re, gjithmonë ne njerëzit e televizionit, mendojmë për çfarë po e bëjmë këtë sfidë. Mendova që Big Brother ka një shtrirje të jashtëzakonshme, do të njohin njerëzit në një formë tjetër dhe për aq sa të hecësh të kesh dhe një kauz. Dikush ka famën, dikush paranë, dikush ka fëmijën, në rastin tim kauza ishte motra. Kam shumë vite që jetoj në një familje, me motrën, është dashuria më e madhe në jetë. Dashuria nuk është as koha ndonjëherë, ne dashurojmë me gjithë qenien tonë duke qen pranë fizikisht. Mendova duke qenë pranë saj, sa mora vesh që kishte një shqetësim të shtuar, vendosa ta ndërpres menjëherë garën. Ajo vuan nga një problem i shëndetit mendor. Unë dua të them vetëm një gjë, më shumë se vet ata që janë të prekur nga shëndeti mendoj, kjo kauz është për ata që qëndrojnë pranë njerëzve me probleme të shëndetit mendor. Nënës sime i është dashur të kujdeset dyfish për të. Na ndryshon aftësia për të bërë dikë të lumtur”-tha Drini i përlotur.