Në konferencën për gazetarët Lulzim Basha bëri një thirrje për deputetët nëse a janë të gatshëm të votojnë për listat e hapura, votën elektronike dhe atë të diasporës.

Basha u shpreh se interesi i deputetëve të Rithemelimit nuk është ndryshimi i Kodit Zgjedhor por vetëm të kenë disa vende në Komisionin e Reformës Zgjedhore.

Lulzim Basha: Në vend të ndryshimeve në Kodin Zgjedhor duan ndryshime në vendet e Komisionit Zgjedhor. Kanë të njëjtin motiv si Edi Rama, nuk duan listat e hapura. Kërkesat që kam ndaj medias është t’i pyseni a jeni për lista të hapura. Mirë thoni: çohu Hoxhe të ulet prifti çohu prift të ulet Hoxha. A jeni për lista të hapura apo kundër? Nëse je kundër ke të njëjtën motiv si Edi Rama. Doni tja fusni edhe njëherë shqiptarëve sepse nuk ju intereson asgjë. Nëse jeni për lista të hapura, atëherë bëni detyrën para publikut dhe para opozitës, që e ka jetike rregullat e lojës. Të mos e injorojmë javën e ardhshme. Po apo jo për listat e hapura. Po apo jo për votim elektronik. Po apo jo për Shqipëria një zonë elektorale. Nëse po atëherë kalojmë në veprim.