Është zbardhur dëshmia e 18-vjeçares shqiptare para policisë greke, e cila ka rrëfyer gjithë historinë e dhimbshme të jetës së saj, ku për vite me radhë ishte abuzuar seksualisht nga vëllai i njerkës së saj.
Në dëshminë e saj 18-vjeçarja ka rrëfyer edhe momentin kur kuptoii se babai i saj e kishte vrarë përdhunuesin, pasi kishte mësuar gjithçka.
Ajo tha se në momentin e parë as babai nuk e kishte kuptuar se çfarë kishte ndodhur, pasi i kishte thënë vetëm që e godita por nuk e di nëse ka vdekur apo jo. “E godita, nuk e di nëse ka vdekur”. Nuk më tha se kush por e kuptova se kë donte të thoshte. Pata një sulm paniku. Nuk mbaj mend shumë. Mbaj mend që babai im ka marrë Policinë dhe i thotë “kam goditur dikë, është makinë e argjendtë, nuk e di nëse ka vdekur apo është gjallë”. Për 10 minuta do vij të dorëzohem”, është shprehur vajza.
Vajza tha se dhunimi i fundit ndodhi dy muaj më parë në një shtëpi në Volos.
