Më shumë se 50 forca të policisë së Shkodrës, FNSH, por edhe nga RENEA kanë zhvilluar një kontroll të befasishëm në Grudë të Shkodrës për arrestimin e Eljon Hatos. Ky i fundit është i shpallur në kërkim si i dyshuar i përfshirë në dosjen “Metamorfoza”.
Operacioni nuk arriti në arrestimin e Hatos pasi nuk ndodhej në banesë. Shtëpia ku u bë kontrolli është e vëllait të Eljon Hatos, Elkier Hato. Nga sulmet e forcave speciale, u vra një qen që ndodhej në banesë dhe u plagos një tjetë.
Eljon Hato është një emër i njohur për drejtësinë shqiptare. Ai njohet ndryshe edhe si miku i Ervis Martinajt, një tjetër person me të shkuar të errët dhe që prej shumë kohësh vijon të mbetet mister fati për jetën e tij.
Elton Hato, një emër me rekorde kriminale, ka qenë i përfshirë në vrasjen e bujshme në zonën e ish-bllokut në vitin 2018, ku mbeti i vrarë një person. I konsideruar “ushtari” i Ervis Martinajt, Eljon Hato mbeti i plagosur në përplasjen me armë brenda lokal “Monopol” ku u vra Fabiol Gaxha.
