Një autobus i kompanisë “Shpejtimi” është vetaksidentuar në hapësirat e autosallonit “Xeni”. Kompania ka bërë të ditur se autobusi ka qenë pa udhëtarë dhe sipas njoftimit, shoferët prezent kanë shpëtuar me lëndime të lehta.

“Sot në orët e hershme të mëngjesit përkatësisht rreth orës 03:00 te mëngjesit, njëri nga autobusët tanë ka pësuar vetaksident. Dëmet e shkaktuara janë vetëm ato materiale. Fatmirësisht autobusi ka qenë pa udhëtarë dhe shoferët prezent kanë shpëtuar me lëndime të lehta”, thuhet në njoftimin e kompanisë.

Por, dëme duket se i janë shkaktuar autosallonit në hapësirat e të cilit është shkaktuar vetaksidenti, duke dëmtuar kështu shtatë vetura. Kështu ka bërë të ditur për Klankosova.tv, pronari i autosallonit, Shkelzen Bushati, i cili u shpreh se dëmi është në vlerë prej mbi 200 mijë euro.

Ai gjithashtu tha se veturat që janë dëmtuar, është e pamundur të riparohen./Klankosova.tv. Më poshtë mund të shihni disa pamje të momentit të vetaksidentit dhe dëmeve të shkaktuara nga ai: