E diela e 7 janarit ishte mjaft e veçantë për komunitetin shqiptar në Queens të Nju Jork-ut, pasi u inaugurua shkolla “Fol Shqip”.VMbi 60 fëmijë të regjistuar nga mosha 4 deri në 21 vjeç shfaqën interes për të mësuar dhe përvetësuar gjuhën shqipe.

Iniciativën për këtë nismë e mori “Shoqata Besi”, e cila shërben si qendër kulturore dhe mbështetëse për komunitetin shqiptar me origjinë nga fshati Besa në Mal të Zi.

Por në shkollën “Fol Shqip” nuk ka kufizime, pasi të gjithë fëmijët e interesuar në mësimin e gjuhës shqipe mund të bëhen pjesë.

Në mërgim banorët nga fshati Besa u organizuan dhe krijuan shoqatën me emrin e tyre “Shoqata Besi”. Frymëzimi i tyre për mbijetesën e gjenezës shqiptare nuk u shkua kurrë, ku mbas themelimit të shoqatës, u organizuan mjaft aktivitete për komunitetin, ku ndër ta ishte edhe hapja e një shkolle shqip.

Mbas shumë përpjekjeve dhe mundimeve, arrit qëllimi dhe hapja e shkollës u bë realitet. Qëllimi i mëtejshëm nuk është vetëm për t’u ndaluar në gjuhën shqipe dhe vallëzim, por edhe në edukimin e shqiptarëve të diasporës me lëndë të tjera që frymëzojnë dhe forcojnë identitetin kombëtar shqiptar.