Një ngjarje e rëndë ka ndodhur dje në Mitrovicë, ku një person është gjetur pa shenja jete në shtëpinë e tij në rrugën ‘Safet Boletini’ . Viktima është profesori dhe inxhinieri, Halit Morina, 69-vjeçar.
Emergjenca ka pranuar thirrje për ndihmë nga djali i të ndjerit, i cili e kishte gjetur viktimën pa ndjenja. Ekipi mjekësor i Emergjencës ka dalë në vendin e ngjarjes dhe pas ekzaminimeve për shenjat vitale kanë konstatuar vdekjen e viktimës.
Po ashtu lidhur me rastin është njoftuar edhe Policia e Kosovës, të cilët kanë dalë në vendin e ngjarjes, të cilët pas marrjes së informacioneve kanë konstatuar se nuk bëhet fjalë për vdekje të dyshimtë.
Lajmin e dhimbshëm për vdekjen e të ndjerit e kanë dhënë edhe familjarët e tij, të cilët kanë njoftuar se ceremonia mortore është mbajtur sot me namazin e drekës në varrezat e Shipolit në Mitrovicë.
