Dietologia Blerina Bombaj ka reaguar mbi vetëvrasjen e nënës së katër fëmijëve në Sukth të Durrësit pas bullizimit dhe denigrimit që i është bërë në ‘Tik-Tok’.
Blerina i ka bërë thirrje kryeministrit Edi Rama që të ngrihet një sektor i posaçëm në Policinë e Shtetit, për të mbrojtur gratë dhe vajzat që ndihen të kërcënuar nga burrat. Po ashtu, Bombaj thekson që duhet të rishikohet çdo dënim për shantazhime apo abuzime, në mënyrë që jeta e vajzave të jetë e mbrojtur.
“Thirrja ime për Kryeministrin Edi Rama do të ishte: Të ngrihet një sektor i posaçëm në Policinë e Shtetit që të mbrojë çdo grua/vajzë që ndihet e kërcënuar dhe e keqtrajtura nga i shoqi, i ati, i vëllai, pronari apo kushdo mashkull tjetër në mënyrë që këtyre t’u dridhen leqet e këmbëve para se të ngrenë zërin para një femre, e jo më të guxojnë ta keqtrajtojnë”, shkruan Bombaj.
