Dogana e Serbisë pretendon se në Merdarë kanë konfiskuar arsenal armësh nga një automjet siç thonë ata me targa RKS. Sipas kësaj dogane, në makinë ishin dy pasagjerë që po udhëtonin nga Prishtina.
Sipas tyre, në këtë veturë arsenali i armëve ndodhej poshtë karrigeve dhe nën kapakët e rrotave.
“Ndonëse të dy deklaruan se nuk kishin asgjë për të deklaruar përveç sendeve personale, doganierët vendosën të bëjnë një kontroll të detajuar. Më pas u zbulua një arsenal i vërtetë armësh nën karriget dhe nën kapakët e rrotave: 45 armë zjarri, 31 silenciatorë për armë zjarri dhe 367 fishekë”, u tha në njoftim e Doganës së Serbisë.
Autoritetet serbe njoftuan se doganierët kanë dorëzuar te policia siç thonë dy personat që gjendeshin në automjet “dhe kanë njoftuar prokurorinë kompetente për veprime të mëtutjeshme”.
